Archive: Peterborough

c. A.D. 687 and 691 (Medeshamstede, i.e. Peterborough, Northants.). (a) Cædwalla, king of the (West) Saxons, to Ecgbald, abbot, and his familia; grant of 40 hides (manentes) at Hoo (ad Hebureahg insulam), Kent. (b) Swæfheard, king of Kent, to Ecgbald, abbot; grant of adjoining 20 hides at Hoo and woodland at Fercanhamstede. (c). Confirmation by Æthelred, king of Mercia. Latin.

 

In nomine Christi totius creaturæ recuperatoris !INVOCATION Cum igitur dominus secularia regimina rite creator regere ita decreverit . ut nobis non solum quæ temporalia creaverit ad victum largiendo cotidie distribuit . immo etiam eisdem ipsis momentaneis æterna posse mercare promiseritPROEM : quamobrem ego Cæduuala regiæ quantacumque potestatis Christo gubernante functus officio . ut meorum criminum incendia elemosinarum latice, juxta Salomonis sententia,1 valuissem extinguere . bona quoque prophetata psalmigraphi oraculis , Christo duce largiendo capessere promerear . 'Credo', inquiens vates 'videre bona domini in terra viventium'2 . Cum dispensanti domino Cantuariorum regimina nostro obtemperarent imperio . xl . terræ illius manentes ubi Hogh nuncupatur ad Hebureahg insulam pertingentes . viro venerabili Egbaltho abbati eique Christi familiæ subdito in propriam pro domino possessionem obtuli. ut tenere et regere et largire etiam cuicumque utile judicaverit perpetua libertatis condicione fruatur . Quam quidem donationem certissimis auctorum subscriptionibus ita ut infra cernuntur firmavi . ut si quis quod absit sua aut suorum diræ cupiditatis facibus atrociter inflammatus . hoc Deo munus oblatum fraudare certaverit . non jam mea . sed domini nostri salvatoris et sancti Petri substantia sibimet ipsi perniciter populare persentiet . Cumque postmodum evoluto annorum circulo præfata regna Cantiæ dominio imperioque Sigheri Saxanorum regis succumberet . prioris ipse præmonitus exemplo . ut omnia quæ videntur æternaliter possideri nequierunt . promptissima voluntate donationi antiquæ consensit . At vero Suebeardus regiæ utique status lectissimus flos , et futuræ maturitatis si aura vitalis venerit certissima spes . dum sibimet dominus mundi monarchia mirabiliter disponens . regna prædicta Cantiæ concessit . hæc eadem non solum firmare sed et addere curaverit . 'Mihi enim', inquiens , 'non ea tantum quæ a prioribus regni possessoribus Deo tradita sunt firmare et subscribere sufficit . quia unicuique dominus juxta actiones proprias reddere decreverit . ideoque honorabili abbati Egbaltho una et cætu cenubialiter secum degente , cum consensu omnium et patron[or]um meorum consilio , terræ illius adjacentem terminis quam ante ea in Hoge possederat . xx . terram manentium addere pro Christo curaverim. In alio quoque loco sex cassatos uti silvarum necessitas haberetur ubi Fercanhamstede nuncupatur perpetualiter possidendam tribuam . Wigtredus quoque quem et idem dominus ad culmen devexit regiminis . fideli et religiosa subscriptione firmavit . Succedente vero aliquantulo temporis spatio , contigit ut coram Æth[e]lredo regi Christianissimo Merciorum . immo ut ita dixerim totius insulis Brittanniæ , huius donationis cartula legeretur , et res geste per ordinem omnia explicantur in monasterio Medeshamstede. Rogatus autem rex a supradicto abbate Egbaltho, ut sua auctoritate ac propriæ manus subscriptione roborare et confirmare dona priorum dignaretur . ille vero non distulit . sed absque ulla excusationis apollogio , adhibita secum ipsius consensum episcopi Saxulfi . propriaque manu et omnium comitum suorum ibi præsentium subscriptionibus quorum hic infra nectuntur nomina , perpetuali in domino sanxione firmavit . Hi sunt testes donationis Ceaduualæ regis Saxonum .

+ Ego Ceaduuala manu propria signum crucis expressi .
+ Ego Theodorus archiepiscopus consensi et subscripsi .
+ Ego Erconuualdus episcopus consensi .
+ Ego Berhtualdus abbas consensi .
+ Ego Hagona abbas consentiens subscripsi .
[Donatione vero Sigheri infra cernuntur .]
+ Signum crucis Sigheri regis .
+ Signum crucis Ædberhti .
+ Signum crucis Gebredi .
+ Signum crucis Egeran .
+ Signum Snoccan .
+ Signum Teodan .
+ Signum Cuffan .
Donatione vero Suebeardi infra cernuntur .
+ Ego Suebeardus signum crucis manu propria depinxi .
+ Signum Sebbi episcopi .
+ Ego Adrianus abbas consensi et subscripsi .
+ Signum crucis Huduc .
+ Signum Ealuuardi .
+ Signum Sigheri .
+ Signum Hæcci .
[Donatione vero Uuihtredi regis infra cernuntur .]
+ Signum Vihtredi regis .
+ Ego Gemmundus episcopus consentiens subscripsi .
+ Ego Berhtualdus abbas subscripsi et consensi
+ Signum Beornheardi .
+ Signum Hæcci .
+ Signum Iseardi .
+ Signum Ealuuardi.
Donatione et firmatione Æthelredi regis .
+ Signum Æth[e]lredi regis .
+ Ego Saxulfus episcopus consensi et subscripsi .
+ Signum Æduualdi principis .
+ Signum Haldhere principis.
+ Signum Hælricis principis.
+ Signum Cilli principis .
+ Signum Teoda principis.
+ Signum Etencan .
+ Ego Haddan abbas 'Medeshamstede' indignus testis consentiens subscripsi.
+ Ego Helmulfus consensi et subscripsi .

1 Eccl. 3: 30.
2 Psalm 27: 13.