Archive: Rochester

A.D. 823. Egbert, king of England, to St Andrew's church, Rochester; grant of privileges. Latin.

 

+ In nomine domini nostri Iesu Christi . ego Ecgberhtus gratia dei rex Anglorum . cum consensu episcoporum ac principum meorum hanc libertatem donabi ecclesiae que sita est in ciuitate Hrobi et omnibus agellis que ad ecclesiam Sancti Andree apostoli pertinent . pro remedio anime mee et filii nostri Aetheluulfi quem regem constituimus in Cantia . ut omnes 'agros' sint libera ab omni regali seruitio . a pastu regum et principum . ducum et prefectum exactorumque . ab equorum et falconum accipitrumque et canum acceptione . et illorum hominum refectione quod nos festingmenn nominamus a parafrithis . et ab omnibus difficultatibus regalis uel secularis seruitutis notis et ignotis . cum furis comprehensione intus et foris maioris minorisue . preter pontis constructione et expeditione . eternaliter liberata permaneat . Hanc libertatem predicte ecclesie donabi . pro humili obedientia uenerabilis episcopi Beornmodi . et pro amore apostoli Sancti Andree . et beati Paulini archiepiscopi cuius corpus in predicta ecclesia requiescit . Sic etiam 'omnibus' successoribus uel heredibus meis . necnon cuicunque gradu regibus seu principibus in nomine sancte trinitatis et per tremendum dei iudicium precipio ut hec donatio mea firma et inlibata inconcussaque permaneat . Siquis uero hoc beniuola mente obseruare uoluerit ; seruetur ei benedictio sempiterna . hic et in eternum . Si autem quod absit aliquis insurrexerit tyrannica potestate fretus seu diabolica temeritate instigatus qui hanc libertatem infringere aut minuere uel maluit conuertere temptauerit quam a nobis constitutum est ; sciat se separatum a communione sancte dei ecclesie et a participatione omnium sanctorum dei et eternis ignibus esse nodatum nisi prius digne et perfecte hic in seculo emendare uoluerit .CURSE Scripta est hec cartula anno dominice incarnationis .dcccxxiii. indictione .vi.DATING CLAUSE his testibus consentientibus et signo sancte crucis Christi confirmantibus . quorum nomina infra tenentur ascripta . + Ego Ecgberhtus rex Anglorum hanc donationem meam huius libertatis signo sancte crucis Christi confirmaui et subscripsi . + Ego Aetheluulf rex consensi et subscripsi . + Ego Uulfred archiepiscopus consensi et subscripsi . + Ego Wigðegn episcopus consensi et subscripsi . + Ego Ealhstan episcopus consensi et subscripsi . + Ego Beornmod episcopus consensi et subscripsi . + Ego Wulfhard dux consensi et subscripsi . + Ego Monnede dux consensi et subscripsi . + Ego Osmod dux consensi et subscripsi . + Ego Dudda dux consensi et subscripsi . + Aldred . + Oshere . + Ætheluulf . + Duduc . + Boba . + Ealhhere . + Sigesteb . + Æðelhard .